“Borreroak
baditu milaka aurpegi”. Negu Gorriak taldekoek
diskoari jarri zioten titulua. Disko luzea eta bizia,
berezko merituekin taldearen diskorik onena, eta
Euskal Herrian egindako disko onenetarikoa. Beltz
bikoitza dugu hau, zorion-agur gehien jaso zuena.
Ez da gutxiagorako.
Baina taldearen albiste pantailan pertsonaia iluna
agertu zen: Rodriguez Galindo Teniente Jeneralak
taldea salatu zuen “Ustelkeria”-n kantatu
eta kontatu zutenengatik. Hantxe hasi zen epaitegietako
korridoreetan zehar egindako prozesu luzea. Baina,
hantxe ere hasi zen adierazpen-askatasunaren aldeko
borroka. Horrekin batera elkartasun-adierazpen ugari
jaso zuen taldeak.
Gainerakoan, taldea etenik gabe ibili zen eta Europan
zehar egindako birarik luzeenean murgildu zen: dataz
betetako bi hilabete, milaka pertsona hunkitu ziren
taldearekin batera Espainian, Suedian, Italian,
Herbeheretan, Alemanian, Frantzian, Danimarkan…
Bilbon berebiziko amaiera egin zuten. Han zain izan
zituzten bederatzi mila gazte, gau gogoangarria
igarotzeko.
|
