Negu Gorriak taldeko kideek etenik gabe jardun dute, taldea desegin zutenetik. Taldearen azken etapan kide batzuk beste proiektu batzuetan sartuta zeuden, batzuk sendoagoak, beste batzuk ez horrenbeste. Diskoak, esperientziak, kontzertuak… Bostek utzi dituzten aztarnak dira. Negu Gorriak taldearen proiektuan sartu aurretik beste musika abenturetan ibiliak ziren. Iraganak, orainak eta geroak zuhaitz genealogikoa eratu dute, zuhaitzaren bost adarren artean elkargune ugari dago, baita Euskal Herriko musikaren historiaren garrantzizko zatia ere.

Hemen era eskematikoan laburbildu dugu kide bakoitzaren ibilbidea, euren proiektu garrantzitsuenekin, disko forma edo denboraren joan-etorrian egonkorragoak ziren talde forma hartu zutenak. Fitxa pertsonalarekin batera aurkezpen txiki bat eta oinarrizko diskografia osatu dugu. Horretaz gain, grafiko eskematiko batean sartu dugu bost kideen musika-historia.

Oharra: Diskoen oinarrizko diskografiaren atalean, kideek parte hartu ez duten diskoak grisez daude.