1990-2001: taldearen bilakaeraren kronologia laburtua
"Negu Gorriak, la victoria de la palabra". Historia
Taldekideen ibilbide-orri musikala. Aurreko eta gerokoak
Negu Gorriak, sareko dokumentu eta esteka interesgarriak

 

 

 

 

 

     
 
 
  Iñigo Muguruza
Mikel Kazalis
Fermin Muguruza
Mikel Abrego
Kaki Arkarazo
 
 
  Eskema [83/04]
 
 
Kaki (Iñaki) Arkarazo Laketz berbena taldeko gitarrista moduan hasi zen. 1985ean Julio Medem zuzendariaren lehen 35 mm-an egindako “Patas en la cabeza” film laburrari musika jarri zion. 80ko hamarkadan “Euskadi irrati”-ko hainbat musika-programaren arduradun izan zen, baita telebistan (ETB) ere, “Popazoro” aitzindaria, besteak beste. “Argia”-n eta beste komunikabideetan musika kritikak idatzi zituen. Gaur egun musika eszena independentearen prestigio gehien duen ekoizletarikoa da.
 
 
   
 
M-ak
 
M-ak Euskal Herriko 80ko hamarkadako talderik interesgarrienetarikoa da. Aitzindariak izan ziren, soinuak zuzenagoak eta agerikoagoak ziren aroan. Euren diskoekin hasi zen Kaki Arkarazo mahaian jesarri eta teknikari eta ekoizle lanetan.
 
-M-ak (IZ, 1983)
-Emeak eta arrak (Nuevos Medios, 1986)
-Zuloa (IZ, 1987)
-Barkatu ama (IZ, 1989)
-Gor (IZ, 1990)
 
 
Kortatu
 
Kaki Arkarazo Kortaturen “Kolpez, Kolpe” hirugarren estudio-diskoaren ekoizlea izan zen. Ordutik aurrera, bera eta bere gitarra taldearen laugarren kide egin ziren oholtzan, taldea desegin arte, denak aho bete hortz utzita.
 
-Kortatu/Cicatriz/Jotakie/Kontuz Hi! (Soñua, 1985) (Disco compartido)
-Kortatu (Soñua, 1985)
-A la calle (Maxi) (Soñua, 1986)
-El estado de las cosas (Soñua, 1986)

-Kolpez kolpe (Oihuka, 1988)
-Azken guda dantza (Nola!, 1988)
I
 
 
Kaki
 
M-ak taldeko azken etapak erretzen ari zela, eta Kortaturen azken estudio-diskoa ekoiztear eta oholtzan laugarren kide izatear zegoenean, Kakik bere kezkak bakarkako disko batean batzea erabaki zuen: Matxinadak.
 
-Matxinadak (IZ, 1987)
 
 
Negu Gorriak
 
Negu Gorriak da gaur egungo musikaren gakoa. Bost kideen arteko kimika eszenatoki gainean, Fermin Muguruzaren karisma, nabarmena baino gehiago den diskografia, bere herriaren borrokarekin duten konpromisoa munduari begira, hasieratik eta gaur egun arte taldeak duen magnetismoa. Horiek guztiek errepikaezineko taldea egin dute.
 
-Negu Gorriak (Oihuka, 1990 / Esan Ozenki, 1996)
-Gure Jarrera (Esan Ozenki, 1991)
-Gora herria (Maxi) (Esan Ozenki, 1991)
-Borreroak baditu milaka aurpegi (Esan Ozenki, 1993)
-Hipokrisiari stop! Bilbo 93-X-30 (Esan Ozenki, 1994)
-Ideia Zabaldu (Esan ozenki, 1995)
-Ustelkeria (Esan Ozenki, 1995)
-Salam, agur (Esan Ozenki, 1996)
-1990-2001 (Metak, 2005)
 
 
Nacion Reixa
 
Antón Reixak eta Kaki Arkarazok aspaldi ezagutzen zuten elkar. Galiziarren berezko mundu ikuspegiak eta euskaldunaren musika-esperimentazioak Nación Reixako alegiazko lurraldea osatu zuten. Bikoitza izan zen kaleratu zuten lehena: galegoz eta gaztelaniaz.
 
-Alivio rápido (Dro, 1994)
-Safari mental (Esan Ozenki/
Gora herriak, 1997)
 
 
Anton Reixa
 
Antón Reixaren eta Kakiren batasunaren azken geltokia “Escarnio” izan zen. Samplerraren golpeekin Kakik musika-oinarria jarri zien, Antónek Nación Reixaren biretan eta interakziozko jokoez lagunduriko bakarkako performanceetan irakurritako testuei. Disko-liburua dugu hau, Antón Reixaren munduetarako instrukzio-eskuliburu ezin hobea.
 
-Escarnio (El europeo/Esan Ozenki/Gora Herriak, 1999)
 
 
Kaki producer
 
Kakik ekoizle eta soinu-teknikari lanetan buru belarri jardutea erabaki zuen. 2000. urtean Andoainen Garate Studios zabaldu zuen. Handik igaro dira, beste askoren artean: Manta ray, Anari, Fermin Muguruza, Chucho, Atom Rhumba…