“Negu
Gorriak: la victoria de la palabra” (Negu
Gorriak: hitzaren garaipena), gaztelaniaz idatzitako
hogeita hamar orri inguruko txostena. Zalantzarik
gabe, musika talde bat baino gehiago izan zenaren
historia laburbiltzeko ahalegina.
Negu Gorriak eszenatokian agertzea fenomeno itzela
izan zen musika panoraman. Taldeak euskal eszenatokira
makina bat berrikuntza ekarri zuen. Musika eta komunikazio
kode berriak, egiteko eta esateko era berriak. Horiek
euskal musika modernoaren erreferentzia nagusia
izatea ekarri zuten. Euren diskoak horren guztiaren
lekuko dira, aitzakiarik gabe.
Konpromisoa eta musika. Musika eta konpromisoa.
Eten gabeko jarduerez jositako zazpi urte eta hiru
gau. Denak txosten batean laburbilduta, fenomeno
hartan pasioz murgilduta zegoen bihotzak idatzia.
Herrera de la Manchako hustuketatik hasi eta Anoetako
belodromoraino. Jarrera baten historia.
|
