Maiatzean,
taldeak “Ideia Zabaldu” plazaratu zuen.
Disko nabarra, Latinoamerikako esperientziek minutu
bakoitzari eragin zioten. Jende ugari diskoaren
zain egon zen, eta taldeak musika mailari eutsi
egin zion.
Egun bakanetan jo eta gero, irailean “Ideia
Zabaldu Tour 95” izeneko birari ekin zioten,
Europan zehar. Eurekin batera, Garbiñe Ubeda
joan zen eta urtean bertan argitaratutako izen bereko
liburuan bizi izandakoa islatu zuen.
Etxean berriro, taldeak adierazpen-askatasunaren
aldeko borrokan jarraitu zuen, helegiteen eta sostengu
adierazpenen artean. Taldeak jaso zuen elkartasunak
goia jo zuen Oiartzunen urriaren 28an: “Hitz
Egin” izeneko jaialdia ospatu zuten, bertan
poesiak, elkartasunak eta musika frankok bat egin
zuten 15 talderekin. Hamar mila pertsona baino gehiago.
Denek hitzorduarekin bat egin eta Negu Gorriak txalotu
zuten. Euskal rockaren historiarako gauari amaiera
eskaini zion taldeak.
|
