|
|
 |
| |
|
|
| URRIAK
11, ASTELEHENA |
| |
Notre
Dame du Montera joan gara, kostaldean, kontzertua
Halcón Maltesen izango da eta. 200
pertsona sartzen diren taberna txiki bat.
Jendea kalean geratu da, berriro ere Mano
Negrak jo du, ustekabeko erasoa, eta gu hasi
garenerako taberna sauna bat da. Ez dakit
zelan eutsi diogun zutik. Amaitzean, Pintzak
esan dit erori nahi ez duen boxeolari nokeatua
eman dudala. Denok mugan egon gara, baina
erantzuna kristorena izan da. Goian afaldu
eta edan dugu. Berriro ere kantuak eta barreak,
biran gutxitan bezala. |
| |
| URRIAK
12, ASTEARTEA |
| |
Agur
esan diegu paristarrei Bilbora arte, bira
amaitzean gurekin batera ustekabean joko dute.
Tourserantz abiatu gara. Erabat apurtuta gaude,
eta gainera Pintzak istripua izan du egurrezko
hanka duen tipo batekin: zapaldu eta oin bateko
hatz bat izorratu dio. Ezin da ibili, eta
ez dakigu nola aterako dugun emanaldia. Bidaian,
Parisetik gurekin datorren eta gure merchandisingaz
arduratzen den fitxaketa bat, Laurent, barreka
ibili da Philippekin, gure ahuldadearen gainera.
Arcade hotelak aukera eman digu atseden hartzeko.
Iñigo egunero lehena da esnatzeko orduan,
baina gaur leher eginda geratu da hotelean.
Pintzari erradiografia egin diote eta fisura
bat du: bonboa ez da ia entzungo. El Barco
Ebrio izena dauka lokalak, eta 600 pertsonak
bete egin dute. Gurekin Infraktionek jo du.
Kontzertua ona izan da, nekeak neke; hala
ere, birritan eten behar izan dugu batek borrokarako
gogoa izan duelako. Pogoa oso bortitza izan
da. |
| |
| URRIAK
13, ASTEAZKENA |
| |
Gure
lurrean, gure jendearengan, gure emakumeengan
ditugun sustraiez hitz egin dugu. Denok amets
egin dugu Euskadira bueltatzeaz. Autopistatik
irten eta Hotel One Staren jan eta lo egin
dugu. Egun librea, Burdeos lasai dago. |
| |
| URRIAK
14, OSTEGUNA |
| |
Goizean
Kakik seme-alabentzako opariak erosi ditu;
Anjelek, neska-lagunarentzat. Philippe eta
Laurentek aretoa kontrolatu dute, eta Jituk,
Mikel Anestesiak, Pintzak, Iñigok eta
bostok Estatuko kontzertuei heltzeko moduez
hitz egin dugu.
Theatre Barbeyn iaz ere jo genuen. Aurton,
Specimenekin: lokala bete egin da. Irungo
lagunak etorri zaizkigu, eta horrek bero-bero
jarri gaitu. Amaieran eszenatokiaren inbasioa,
200 tipo gurekin dantza egiten. Bukaera apoteosikoa.
Irungo eta Pasaiako lagunek kanpoan emandako
hilabete eta erdian jazotakoaren berri eman
digute.
|
| |
| URRIAK
15, OSTIRALA |
| |
|
Polizia
frantsesak oso kontrol zehatza egin digu.
Arrisku handiko eremuan gaudela ohartarazi
digu horrek. Pauen 2.000 pertsona ditugu zain,
lurralde frantsesean dauden euskal presoen
aldeko kontzertuan. Gurekin batera, Ama Say
(bikain), Matxitxa, Barrabas, Anjelillo, Jabitxu,
Irungo NG Posse osoa, Oiartzun, Pasaia eta
Hernani, eta neska-lagunak: Ione, Loreto,
Aran, Amaia eta Kuki. Kakiri gutxi falta zaio
Izaskunekin batzeko, eta Pintza Bartzelonako
kontzertura arte itxaron beharko du, bertan
du Igne zain.
[FACTORY]
|
|
| |
|
