Etiketaren artxiboa: Borreroak Baditu Milaka Aurpegi

Olasagasti Vs Mindegia

samples, , , , , , , , , , , ,

Koka gaitezen: 80ko hamarkada bete-betean gaude (1986?) eta Tolosako zezen plazan bi koloso beraien indarrak neurtzeko prest dira; batetik Olasagasti eta bestetik Mindegia. Alabaina, bazen hirugarren bat: Kaki Arkarazo. Unean zeukan lanak hala eskatuta, enborpean mikroa kokatu zuen, handik gutxira Kortaturen “Kolpen-kolpe” kantaren introa izango zena grabatuz. Bertako aizkorakada bat da gerora besteak beste “Dallas-Euskadi 1963” piezan entzungo duguna, baita Fermin Muguruzaren hurrengo egitasmo ia guztietan ere. Ez da ez, sanple kamutsa gero! Kronologikoki bidaia eginez gero, 1988tik hasiko gara.

Handik 5 urtera, Negu Gorriak taldearen ikur izango ziren aizkoren hotsak, diskoen atmosferan jarraitzen zuen zorrotz.

NG aroa pasata ere, Ferminen inguruan jarraitzen zuten soinu lehor eta azkarrek.

 

Original Concept – Prejudice

samples, , , , , ,

Original Concepten sanpleek hainbesteko garrantzia eta lekua dute “No problem” kantuan, non diska beltzeko hurrengo kantan ere eragina duten. Kasu honetan, “Sabel hiztunaren ordu ikaragarria”ri egokitu zitzaion. Hasieratik zerabilkien basearen funtsa OCren kantaren bukaerako (3. minutua, 10. segundua) berbera da beste abiadura batean izan arren:

Entzun orain kanta hasieran leku hartzen duen basea:

 

Original Concept – Here Comes The 5-Oh!

samples, , , , , ,

Original Concept taldeak “No problem”i egindako beste ekarpen bat eskratxaren ondotik datorren garrasi bat da…beraien kanta honetako 6. segundu inguruan entzun dezakegu:

Neguren arazorik gabeko pieza instrumentalean ordea 11. segunduan entzun liteke lehen aldiz eta 32.ean bigarrenekoz:

 

James Brown – Make It Funky

samples, , , , ,

Negu Gorriaken sanpleen erabilerari dagokionez, interes gehien pizten diguten piezak gaurkoa bezalakoak dira, non NGk osorik sortu-eraiki zituen pista hauek sanpleak erabiliz. Beraien Borreroak Baditu Milaka aurpegi diskako bigarren kanta hau adibidez, NG Bada, izenekoa:

Asko dira pista horretan entzun daitezkeen sanpleak, James Brown-en Make It Funky, besteak beste.

 

Gladys Knight & The Pips – Midnight Train to Georgia

samples, , , , ,

“NG bada”ren hasiera mitikoa da. Hain zuzen ere, ibilbide oso luzea izan zuen Gladys Knight & The Pips taldearen kanta baten berbera: Midnight Train to Georgia. Bertan, gauzak espero bezala atera ez eta bere erroetara bueltatzen den pertsona baten istorioaz abesten zuten:

Negu Gorriak taldeak hasiera hori bikain txertatu zuen bere instrumentalean:

 

The Meters – Look-Ka Py Py

samples, , , , ,

“NG bada”ren 40 segunduak ikaragarriak dira gu bezalako sanple bilatzaileentzat. Urteetako lana dakarkie gure 4 belarriei, gezurra iruditu arren. Esaterako, nork esan behar zigun guri edozein egunetan lasai asko The Meters funk taldea entzuterakoan ere sorpresatxo sanpleatu bat topa genezakeenik?

Haierako ahots horiek aditzerakoan begiak ireki zitzaizkigun, OSO ezagun egiten baizitzaigun. Ondoren, Negu Gorriak taldeko zein kantetako sanplea zen bilatzeari ekin genion eta, nola ez, “NG bada” zen erantzuna:

 

Original Concept – Runnin You Mouth

samples, , , , , , , , ,

Sanple honek, horren ezaguna ez den talde batengana hurbildu gaitu: Original Concept. Beraien “Runnin you mouth” entzutea ere ez da oso ohikoa. Baliteke, ahotsak jatorriz beste nonbaitetik etortzea ere, hots, Original Concept taldeak sanpleatuak izatea aldi berean. Guk “no problem” sanplearen arrastoa hemen topatu dugu oraingoz:

Negu Gorriak honela erabili zuen:

PD: gerora jakin ahal izan dugu jatorrizkoa pelikula bati dagokiola: «Fast times at Ridgemont high». Are gehiago, Sean Penn gazte baten (Spicoli) eta Ray Walston (Mr Hand) aktoreen ahotsak zirela. Eszena nahikoa tentsoa da, bai… xD

Bide batez, Original Concepten albumak eta pelikularen izenburuak duten antzekotasuna aintzat hartzeko modukoa dirudi.

 

Maceo Parker – Got to Get U

samples, , , , , ,

Gutxi egongo da munduan Maceo Parker bezain ospetsu den saxofonistarik. James Brownen orbitako musikari honek zuzeneko disko honekin bideratu zuen bere bakarkako ildoa 90. hamarkada hasieran. Entzutekoa, bereziki honelako piezengatik. Adi 37 segundoari (gutxi gora behera).

Negu Gorriak taldeak belarriak fin zeuzkaten eta urtebeteren bueltan jada zuzeneko diskotzar hori sanpleatua zeukaten beraien disko beltzean. “NG bada”ko 11. segundoak beste zentzu bat hartzen du orain, ezta?

 

The Redskins – Kick Over The Statues

samples, , , , , ,

Kortaturen garaitik ditugu ezagun The Redskinsekoak, “Etxerat” kantuko gure furgoian etengabean entzuten genituelako, besteak beste. Negu Gorriak haratago joan eta aipatze hutsa gaindituz, eurak sanpleatzera heldu ziren, Lenini eskainitako abesti honetan bezalaxe:

Kantaren hasieran scratch bakoitzaren ondoren 4 segunduro-edo entzuten den “Kick!” horri erreparatu behar diogu. Hain juxtu ere, Redskinsen “Kick Over The Statues”en entzuten den azken oihua:

 

Erlak bikotea – Kennedy

samples, , , , ,

“Kennedy Hilak” hobeto egonagatik, guk beti Erlak bikotearekin batera abestu izan dugu. Agian bikote euskaldunak ez zuen “Hollydays in Cambodia” estiloko kanta jolaskorrik euren doinuen artean, baina bai honelako perlatxoak:

Eta agian salbatzailerik gabe geratu garen arren, JFK kantaren sarrera bikain bat dugula gogorarazi behar dugu, demontre!