Etiketaren artxiboa: kale gorrian

Lagun eta kolaboratzaile artean itzali da betirako Info7 Irratia

Sarrera hau Info7 Irratiak idatzi zuen 2018/12/15-ean.

Abenduaren 15ean isildu zen betirako Info7 Irratia 13 urteko ibilbidea eta gero. 13:00tan zabaldu ziren azken hitzak «Gu eta zure arteko zubia, zaharra eta berriaren arteko igarobidea, izan dadila lehena bezain emankorra bigarrena».

Aztibegia elkarteko lehendakari den eta irratiaren sorreratik langile den Eider Olazarrek egin ditu azken hitzak.Goiz ederra izan zen, lagun eta bazkide ugari hurbildu ziren Urruñako estudioetara irratiari azken agurra ematera.


200 lagun inguru bildu dira Urruñan, Info7 Irratiko erredakzio ondoan ospatu da festa, errotatiba zaharrean. Momentu ederrez beteta egon da 4 orduko irratsaioa, NG Sampleseko bikotea lau orduz bidelagun, Eider Olazar eta Jon Mikel Fernandezek gidatu dute saioko lehen zatia. Info7 Irratiko hastapenak gogoratzeaz gain aurrera begira jarri dira Gari Mujika, Arantxa Manterola, Haritz Rodriguez, Juanpe Plaza eta Kike Zurutuzarekin.

Protagonismo berezia izan dute ere Info7 Irratiarekin erredakzioa konpartitzen duten GARA, Mediabask eta Kazeta.eus eko kideek.

Goizeko hamaiketatik aurrera Oinatz Aizpuruk eta Amaia Zurutuzak hartu dute saioaren gidaritza. Dinamikoagoa izan da saioaren zati hau, hainbat ikuskizun tartekatuta, entzule eta Info7 Irratiko zaleen agur beroak ere jaso dituzte. Eszenatotikik pasa dira 13 urte hauetan kolaboratu duten hainbat, Agin Laburu bertsolaria, edo ta Pelax eta Iñaki Rifaterra. Azken honek egin du «Guri, zuri, zubi» litografia, Info7 irratian 13 urte hauen kolaboratu eta bazkide izan direnek jaso dutena. Umorerik ez da faltatu saio berezi honetan, Mariano guardia zibila eta Jean Pier jendarmea hurbildu baitira Info7ko azken saiora, eta hara, aitortu dute Info7 irratiko entuzle amorratuak izan direla hasieratik.

Eguerdiko 13:00tan iritsi da momentu bereziena, Info7 Irratiko isiltzea. 4 orduko irratsaioa eta gero, 13 urteko ikusentzunezko laburpen bat ikusi ahal izan dute primizian bertaratutakoek.

Txalo zaparrada ondoren entzun dira Eider Olazarren azken hitzak «Gu eta zure arteko zubia, zaharra eta berriaren arteko igarobidea, izan dadila lehena bezain emankorra bigarrena. Eskerrikasko!» eta betirako ixildu da Info7 irratia. Ez da agur tristea izan baina, jakina baita Info7 Irratia isildu egingo dela proiektu berri baten mesedetan, eta proiektu berria ere oso presente egon da azken irratsaio berezi honetan.

Info7 Irratia isildu bada ere, festak jarraitu du Urruñan. Sound Siter Djak girotu bazkalordua eta ondoren La Jodedera taldeak girotu du festa. Beraiek egin zuten Info7 Irratiaren 10. urteurena.


EXTRA!

AHOTSA.INFO-ko lagunek egindako bideoa

NG Samplesen 17.Rounda, azkena oraingoz!

Sarrera hau Info7 Irratiak idatzi zuen 2018/11/29-an.

NG Samplesen azken atala egin dute Arkaitz Sagastik eta Urko Rodriguezek Info7 Irratiaren itxiera aitzin. 17.Round honetan ere ez da Negu Gorriakek erabilitako sampleen jatorrizko bertsioen bitxikeriarik falta. Gozatu ederra hartu dugu bi hauekin azken urteetan, bideak elkartuko gaitu berriz ere.

Bueltan da NG Samples, 16. Rounda!

Sarrera hau Info7 Irratiak idatzi zuen 2018/10/09-an.

Olasagasti eta Mindegiaren arteko apustuko aizkorakadak, JFKren diskurtso zati bat, Maceo Parker, Eric B & Rakim eta Prince Busterren kantutik ateratako zatitxoekin Negu Gorriakek egindako sampleak zein kantutan erabili zituzten azaldu dizkigute detaile guztiekin Arkaitz Sagastik eta Urko Rodriguezek NG Samples 16. Roundean.

Osagaia egokiak nahasi eta emaitza NG Samples 15. Rounda!

Sarrera hau Info7 Irratiak idatzi zuen 2018/06/28-an.

Lanurteko NG Samples azken atala egin dute Arkaitz Sagasti eta Urko Rodriguezek. Negu Gorriaken ‘cando se xoga a pelota aqui?’ eta ‘NG badoa’ kantuetan talde ezberdinen sampleak nondik hartu zituzten aletu digute. Oraingoan Negu Gorriakez gain, Broken Brothers Brass Band iruindarren ‘xuri guztiak ez dira irinak’ kantuan Imanol Larzabalen ahotsa entzun dezakegula deskubritu digute.

NG Samples, 14. atalean Marcos azpikomandantearen inguruko galderak

Sarrera hau Info7 Irratiak idatzi zuen 2018/04/24-an.

Gogotsu geunden Urko Rodriguez eta Arkaitz Sagasti noiz etorriko NG Samples atala besapean. Hamalaugarren roundean ezin ahaztu Negu Gorriaken ‘Borreroak baditu milaka aurpegi’ diskoaren 25. urteurrena. Gora Herria kantuaren introa, refritoa ekarri digute batetik. Bestetik, ‘Ideiak Zabadu’ diskoko Begirunea kantuak ere sample ugari ditu, tartean Marcos Azpikomandantearen ahotsa, baina originala ez dute topatu, uste dute Txiapasen grabatu zutela Negukoek.

Doinu mestizaje ugari NG Samplesen

Sarrera hau Info7 Irratiak idatzi zuen 2018/02/06-an.

Hamairugarren Rounda gaur NG Samplesen baitan. Arkaitz Sagasti eta Urko Rodriguezek Negu Gorriaken kantu ezberdinetan entzun ditzazkegun sampleen jatorriaz hitz egin digute beste behin. Oraingo honetan sample eta doinu dantzagarri eta tropikalak ekarri dituzte.

Bertsoa eta iraultza errusiarra NG Samplesen

Sarrera hau Info7 Irratiak idatzi zuen 2017/11/21-ean.

NG Samplesen 12. rounda egin dute Arkaitz Sagasti eta Urko Rodriguezek. Negu Gorriaken bertsolaritzak izan zuen presentziaz aritu dira, edota iraultza errusiarraren 100.urteurrena dela eta, kantuetan horrek izan zuen presentzia.

Agian Otis Reddingen eraginagatik du hitz-jarioa F.Muguruzak!

Sarrera hau Info7 Irratiak idatzi zuen 2017/10/03-an.

Negu Gorriak taldearen Sampleen ikerketan hamaikagarren atala egin dute Urko Rodriguez eta Arkaitz Sagastik. Primizia ere eman digute, Kaki Arkarazorekin izan dira eta hainbat sampleren berri eman die, beraz badugu NG Samples luzerako, ze poza!

Negu Gorriakek mundu osotik edan zuen, sanpleek erakusten duten moduan

Sarrera hau Info7 Irratiak idatzi zuen 2017/06/28-an.

Euskal kantagintza atalean Urko Rodriguez eta Arkaitz Sagastirekin Negu Gorriaken kontuen tripei begiratu diegu kurtso honetan. Negu Gorriak taldearen kantuak nondik datozen eta atzean dituzten soinu edo sampleek zein abestitan duten jatorria azaldu digute. Kurtsoko azken kolaborazioa No Problem, Hitzaurrea, Hitz egin eta Radio Rahim kantuk ekarri dizkigute. Plazer bat izan da bikote!

Negu Gorriak beharrean, “Fermin eta pipermin gorriak” izan balira?

Sarrera hau Info7 Irratiak idatzi zuen 2017/05/10-ean.

Euskal Kantugintzaren atalaren baitan Negu Gorriaken kantuak aztertu eta bertako sanpleak nondik datozen aztertzen dugu NG Samples azpiatalean Urko Rodriguez eta Arkaitz Sagastirekin. Hainbat kantu aztertzearekin batera taldearen izenaren jatorriaz teoria hori azaldu digute, Red Hot Chili Peppers-en eraginez “Fermin eta pipermin gorriak” jartzekotan egon zirela. Bederatzigarren rounda iritsi da!