Etiketaren artxiboa: 1968

Sly & The Family Stone – Dance To The Music

Funk musika sorburu oraingoan ere. Sly & The Family Stone talde mitikoak aurrera doan Negu Gorriak taldeari konpainia egiten dio ahotsen erritmo hipnotiko batekin. Haien “Dance to the music” entzunez gero, sanpleatua izan zen zatia erraz hauteman liteke (15. segundutik aurrera adibidez):

Ez duzu argi ikusten oraindik? Tira, entzun “NG badoa” eta ziur audio lagina topatuko duzula!

 

Luis Mariano – Ezin Ahaztu

“Luis Mariano chant le Pays Basque” izeneko albumean agertu zen 1968an “Ezin Ahaztu” kantua, eta 25 urte geroago “Borreroak baditu Milaka Aurpegi” diskoan “Hipokrisiari Stop!”. Baina 1996ra arte ez genuen bi hauek elkarturik entzuteko aukera izan, Galindoren kontrako auzian laguntza lortzeko kaleraturiko Ustelkeria xelebrekerien diskoan NGren kantaren erremixa argitaratu zutenean Luis Mariano sampleaturik entzun zitekeen, scratch moloien artean. Hemen Negu Gorriaken kanta:

Ta hau jatorrizkoa:

 

Arthur Conley – People sure act funny

Sam Cooke eta Otis Redding artean koka genezakeen Arthur Conley handia ere ez zuen ahaztu Irungo boskoteak. Gorria zenentz ez dakigu, baina homosexuala zela bai; barkamenik gabeko bekatu horren ondorioz, Herbehereetan eman zituen bere azken urteak; bere sorterritik urrun. Luis Mariano beltz honen “People sure act funny” kantaren intro dekadenteari adi!

Jendeak era barregarrian ziurki jokatu ala ez, 17. segundoan topa dezakegun sample hau Reixaren «refrito»a maisuki erdibitzeko gai da.