Etiketaren artxiboa: nire bizitza osoa

Run-DMC – Radio Station

Sanple hau ere 1988 urte emankorrekoa dugu. Ez dugu ahaztu behar urte hori hartzen dela Estatu Batuetako Hip Hoparen eskola zaharraren urrezko garaitzat, orduan argitaratu baitziren diskarik salduenak. Run-DMC taldearen kanta honetan ia uneoro entzuten dugun sanplea, baina 2:33tik 2:37ra doan denbora tartea da aukerarik garbiena eta hori baliatuko zuten euskaldunek beraien kantarako:

Negu Gorriakenean 30. segundutik 34.era entzuten dugun berbera, alegia:

 

De La Soul – Eye Know

Bistan da Negu Gorriakekoek De la Soulen lehen diska gogotik entzun zutela 1989 inguru horretan. Hona hemen beraiengandik jasotako beste ekarpen txiki bat; hain juxtu, kanta hasierako soinua erabili zuten “Nire bizitza osoa”rako, Sam Cookeren ahotsa akabatu aurretik:

Bukaeran entzun dezakezue hemen (36. segunduan):

PD: gure lagun Basanabasak kontatuta, De La Soulekoek ere sanpling kirola praktikatzen zuten; horregatik, beraien kantako Kitarra eta Bateria, kanta askoz zaharragoetatik mailegatu zituztela aipatu beharra dugu.