«NG Brigada Peligros» den anabasa goxo horretan, badira joan etorrian dabiltzan ahots ezberdin batzuk…12. segundotik 19.era doan koruari arreta jarriko diogu sarrera honetan.
Topatu dugun bertsiorik antzekoena Maceo Parker saxofoijolearen zuzeneko itzel honetan entzun dugu guk. Bertatik aterata dirudi, ezta? Adi 3. minututik aurrerako ahotsei.
Gutxi egongo da munduan Maceo Parker bezain ospetsu den saxofonistarik. James Brownen orbitako musikari honek zuzeneko disko honekin bideratu zuen bere bakarkako ildoa 90. hamarkada hasieran. Entzutekoa, bereziki honelako piezengatik. Adi 37 segundoari (gutxi gora behera).
Negu Gorriak taldeak belarriak fin zeuzkaten eta urtebeteren bueltan jada zuzeneko diskotzar hori sanpleatua zeukaten beraien disko beltzean. “NG bada”ko 11. segundoak beste zentzu bat hartzen du orain, ezta?