Etiketaren artxiboa: 1996

#LagunduNGsamples: Jainkoak Gorde Beza Lehendakaria

2022/01/08LagunduNGsamples#LagunduNGsamples, 1982, 1986, 1991, 1996, Derribos Arias, Dios Salve al Lehendakari, El chico más pálido de la playa de Gros, Felipe Gonzalez, gitarreo, Jainkoak Gorde Beza Lehendakaria, koro abeslaria, para gobernar lo que sirve es partir el bacalao, Poch, Siniestro Total, Ustelkeriakimo

1991ean “El chico más pálido de la playa de Gros” bilduma agertu zen, Pochen omenezko diskoa, eta Negu Gorriakek Derribos Arias taldearen Dios Salve al Lehendakari (1982) abestiaren bertsio euskaratua egin zuen diskorako (bueno, akaso Siniestro Totalek 1986an egindako bertsiotik hurbilago dago?). Lagunduko diguzue bertako sanpleak kokatzen?

Elementu desberdinak ditugu hemen. Hasteko, garai honetan oraindik bateria programatuekin aritzen ziren NGkoak. Bestetik, 0:55 eta 1.02 artean efektu tetriko bat azaltzen da (ziurrenik gitarra batekin egindakoa). Ez dakigu bi horiek sanpleak diren edo taldeak ekoiztutako elementuak, baina aldiz kanta amaieran agertzen diren beste hauek ziur badirela.

Felipe Gonzalez agertzen zaigu “para gobernar lo que sirve es partir el bacalao” esaten. 80ko hamarkada amaieran esan omen zuen baina ez dugu oraindik grabazio hori (bideo zein audioa, berdin zaigu) topatu blogean jartzeko. Segidan gitarra elektriko gogor eta azkar bat agertzen da, sanpleatua iruditzen zaiguna. Eta azkenik abesti koral bat azaltzen da.

Identifikatzen al dituzue? Ba al dakizue nondik hartu zituzten elementuok Negu Gorriakekoek? Jatorrizko piezak entzun nahi ditugu, bidali ahal dizkiguzue?

Jarraitu #LagunduNGsamples: Jainkoak Gorde Beza Lehendakaria irakurtzen →

Maceo Parker – Pass The Peas (live)

2022/01/02samples1992, 1996, Ideia Zabaldu, Life on planet groove, Maceo Parker, NG brigada Peligros, Pass The PeasSnoid

«NG Brigada Peligros» den anabasa goxo horretan, badira joan etorrian dabiltzan ahots ezberdin batzuk…12. segundotik 19.era doan koruari arreta jarriko diogu sarrera honetan.

Topatu dugun bertsiorik antzekoena Maceo Parker saxofoijolearen zuzeneko itzel honetan entzun dugu guk. Bertatik aterata dirudi, ezta? Adi 3. minututik aurrerako ahotsei.

Curtis Mayfield – Move On Up

2021/12/12samples1970, 1996, aiako txikito, Curtis, Curtis Mayfield, Ideia Zabaldu, Move On UpSnoid

Aiako Txikitoren beste bidaideetako bat Curtis Mayfield izan daitekeela uste dugu. Izan ere, bere “Move on up” entzutetsuko bongo erritmo bizi bikaina buruan dugunez, hemen gehitzea erabaki dugu.

Zer deritzozue? Negu Gorriaken piezan Curtis dabil ere? Ala ez? Idatzi iruzkinen bat!

Steve Cropper – Land Of 1000 Dances

2021/11/11samples1969, 1996, aiako txikito, Ideia Zabaldu, Land of 1000 Dances, Steve Cropper, With a Little Help from My FriendsSnoid

Aiako Txikito mila dantzen lurraldean dabil, hiri gerrilaren dantza barne. Adi intro errepikatuaren ondoren (3. seg) eta piezaren bigarren zatian (19.etik aurrera) itzultzen den perkusioari.

Guda dantza lotu ala askatua den ez dakigu baina 40. segundoko bateria soloak begiak ireki dizkigu. Hirurak. Eskerrik asko, Steve!

Linton Kwesi Johnson – Sonny’s Lettah (anti-sus poem)

2021/10/15samples1979, 1990, 1991, 1996, BSO, Gora Herria (Maxi single), Gure Jarrera, Linton Kwesi Johnson, LKJ, Sonny's Lettah, UstelkeriaSnoid

Negu Gorriaken BSO kantan inor sanpleatua izan bazen, hori LKJ dugu. Peachi eskainitako reggeaz gain, seme batek amari kartzelatik idatzitako gutuna ardatz duen Sonny’s Lettah kantatik honako esaldia erabili zuten (2. minutua pasa berritan):

“Mama, mek i tell you wa dem do to Jim? Mama, mek i tell you wa dem do to ‘im?”

Negu Gorriaken kantan ia abestiaren une berean daude sanpleatuak Sonnyk amari egiten dizkion galderak (2 min. 09 seg.)

Steve Cropper – Crop Dustin

2021/10/10samples1969, 1996, aiako txikito, Crop Dustin, Ideia Zabaldu, Steve Cropper, With a Little Help from My FriendsSnoid

Aiako Txikito osoki maisulan bat den arren, oraingoan sarrerari erreparatuko diogu bereziki, introa berezia baitauka.

Izan ere, Steve Cropper bera dugu intro mitikoaren atzean. Gitarrajole funtsezkoa, Stax zigiluari dagokionez. Blues Brothers, Otis Redding edota Ringo Starr bidaide izan ditu bere karrera luze bezain oparoan. Kasu honetan introa motelago doa; hala ere, identifikagarria da oso.

Linton Kwesi Johnson – Peach Dub

2021/07/15samples1980, 1990, 1991, 1996, BSO, Dub, Gora Herria (Maxi single), Gure Jarrera, Linton Kwesi Johnson, LKJ, Peach, UstelkeriaSnoid

Goizaldeko bostetan, herrian, irekitzen duten lehenengo tabernan Linton Kwesi Johnson topa dezakegu Peachi reggae bat eskainiz. Are gehiago, sustraietara jotzen badugu, dub batekin erakutsiko digu jendarteari zor dion amorrua:

Jakina, ezaguna izango zaizu kanta osoa, urte batzuk beranduago Negu Gorriak berak kantaren bertsio abestu osoa bertsionatu baitzuen, beraien bizitzetako BSOko parte zelako alpalditik:

Luis Mariano – Ezin Ahaztu

2021/07/04samples1968, 1996, Ezin ahaztu, Hipokrisiari Stop!, Luis Mariano, Ustelkeriakimo

“Luis Mariano chant le Pays Basque” izeneko albumean agertu zen 1968an “Ezin Ahaztu” kantua, eta 25 urte geroago “Borreroak baditu Milaka Aurpegi” diskoan “Hipokrisiari Stop!”. Baina 1996ra arte ez genuen bi hauek elkarturik entzuteko aukera izan, Galindoren kontrako auzian laguntza lortzeko kaleraturiko Ustelkeria xelebrekerien diskoan NGren kantaren erremixa argitaratu zutenean Luis Mariano sampleaturik entzun zitekeen, scratch moloien artean. Hemen Negu Gorriaken kanta:

Ta hau jatorrizkoa:

Silvio Rodriguez – Sueño con Serpientes

2021/07/03samples1930, 1975, 1990, 1996, Bertol Brecht, Hator Hator (single), Hombres Imprescindibles, Oker Dabiltza, Silvio Rodriguez, Sueño con Serpientes, Ustelkeriakimo

“Bai, nik ere errezitatzen nuen Bertol Brecht” dio abeslariak Hitz Egin kantuan. Ferminek Bertol Bretch errezitatzen zuen Silvio Rodriguezek bezala, eta Oker Dabiltza kantaren amaieran (2:41etik aurrera) Silvioren ahotsa txertatu zuten, honela:

Hemen duzue kantautore kubatarraren 1975ko Sueño con Serpientes kantua.

Fatback Band – Wicky Wacky

2021/04/04samples1974, 1996, Fatback Band, Ideia Zabaldu, NG brigada Peligros, Wicky Wackykimo

Rap musika ez ezik, Negu Gorriakeko kideak funk musikaren ozo zaleak izan dira beti. Horren adibide galanta da gaur aurkezten dizuegun sanplea. Fatback Band funk eta disko taldearen Wicky Wacky kantuak groove itzela dauka, bai horixe!

NG Brigada Peligros kantuan entzun daiteke honako sanple hau:

NG Samples

It's the Jungle out here!