Etiketaren artxiboa: Negu Gorriak (album)

Do The Right Thing – Filmea (Trailerra)

2022/01/04samples1989, 1990, Do The Right Thing, Negu Gorriak (album), Radio Rahim, Spike Lee, the mayorkimo

1989an Spike Lee zinema zuzendariak bere lan interesantenetako bat argitataru zuen, Do The Right Thing (Eginzazu Behar Duzuna). Handik urtebetera filme honen istorioa laburbildu zuen Negu Gorriak haien Radio Rahim abestian, eta nola ez pelikulatik sanple pare bat hartu zituzten. Gaurkoan, abestiaren amaiera aldean (3:12 eta 3:17 minututan hain zuzen) entzun daitekeen “do the right thing” esalditxoa erreskatatu nahi dugu:

Brooklyneko Bedstuy auzoaren bihotzean bizi den eta “alkatea” esaten dioten auzokideak esaten du esaldia filmean, nahiz eta gero NGkoek pitch moldaketa egin zioten kantuan txertatzeko. Trailerraren ere agertzen da esaldia, justo amaieran:

Lafayette Afro Rock Band – Darkest Light

2021/12/10samples1975, 1990, Darkest Light, gaberako aterbea, Lafayette Afro Rock Band, Negu Gorriak (album)Snoid

Askotan entzuten den aire instrumentu baten sanple bat dugu hau…gaur egungo rap taldeek erabiltzen jarraitzen dute oraindik ere. Jatorrira joanez gero, Lafayette Afro Rock Band topatzen dugu:

Geurera etorriz, Mikel Laboak Bertolt Brecht errezitatzen zuenekoa dugu abiapuntu. “Gaberako aterbea” izena zuen kantak; Negu Gorriak taldeak bertsioa egiteaz gain, bertako lerroetatik jasoko zuen izena gerora. Sanple hau beraz, taldearen sorrerarekin bat doa (22. segundutik aurrera):

Shinehead – Raggamuffin

2021/11/23samples1988, 1990, Negu Gorriak (album), raggamuffin, raggamuffin jaia, Shineheadkimo

It’s the Jungle out there! leloa idatzi dugu blog honen goiburuan NGk beraien Raggamuffin Jaia abestian erabili zuten sanple bat bait da. Zehazki Shinehead artista jamaikar-britainiar-neoyorkinoaren Raggamuffin kantu honetatik hartua:

Ta Neguren kantua, hemen:

Run-DMC – Radio Station

2021/11/01samples1988, 1990, Negu Gorriak (album), nire bizitza osoa, radio station, Run-DMCSnoid

Sanple hau ere 1988 urte emankorrekoa dugu. Ez dugu ahaztu behar urte hori hartzen dela Estatu Batuetako Hip Hoparen eskola zaharraren urrezko garaitzat, orduan argitaratu baitziren diskarik salduenak. Run-DMC taldearen kanta honetan ia uneoro entzuten dugun sanplea, baina 2:33tik 2:37ra doan denbora tartea da aukerarik garbiena eta hori baliatuko zuten euskaldunek beraien kantarako:

Negu Gorriakenean 30. segundutik 34.era entzuten dugun berbera, alegia:

NWA – Gangsta Gangsta

2021/10/10samples1988, 1990, gangsta gangsta, Negu Gorriak (album), nire bizitza osoa, NWASnoid

Ferminek bere taldekideak lanera bidali aurretik bada NWA taldearen sanple bat Sam Cookeren abestia eteteko erabili zutena “wait a minute, wait a minute” batekin. Ahotsa, Ice Cube handiarena da (3 min 55 seg):

Itzel geratu zitzaien, 23. segunduan, ezta?

NWA – Parental Discretion Iz Advised

2021/09/20samples1988, 1990, Negu Gorriak (album), nire bizitza osoa, NWA, parental discretion iz advisedSnoid

“1,2,3…kick it!” zioen NWAko The D.O.C. kideak abesti hasieran, gogoratzen?

“Nire bizitza osoa”ren 23. segunduan txertatua entzun dezakegu, juxtu Ferminen aginduen ondoren:

De La Soul – Eye Know

2021/08/31samples1989, 1990, de la soul, eye know, Negu Gorriak (album), nire bizitza osoaSnoid

Bistan da Negu Gorriakekoek De la Soulen lehen diska gogotik entzun zutela 1989 inguru horretan. Hona hemen beraiengandik jasotako beste ekarpen txiki bat; hain juxtu, kanta hasierako soinua erabili zuten “Nire bizitza osoa”rako, Sam Cookeren ahotsa akabatu aurretik:

Bukaeran entzun dezakezue hemen (36. segunduan):

PD: gure lagun Basanabasak kontatuta, De La Soulekoek ere sanpling kirola praktikatzen zuten; horregatik, beraien kantako Kitarra eta Bateria, kanta askoz zaharragoetatik mailegatu zituztela aipatu beharra dugu.

Sam Cooke – All Of My Life

2021/08/09samples1958, 1990, all of my love, Negu Gorriak (album), nire bizitza osoa, sam cookeSnoid

Gorrotoa alde batera utzi eta amodiozko kanta bati helduko diogu. Hasiera entzun eta bereala Negu Gorriak entzuten ari garela uste izan dezakegu; baina ez tronpa, lagun: Sam Cooke handia da!

Lagina kanta hasieran eta bukaeran erabili zuten:

Public Enemy – Bring the Noise

2021/07/22samples1988, 1990, Bring the Noise, Negu Gorriak (album), Public Enemy, Seinaleakimo

1990. urtean NGk lehen diska kaleratu zueneko kanta batekin gatoz oraingoan, Negu Gorriak izeneko diska hain zuzen. Garai honetako kantuak rapetik oso gertu zeuden, izan ere, inoiz ez dute ezkutatu Public Enemy taldearen eragin zuzena izan zuela Negu Gorriak taldeak, eta Seinalea kantua horren adibide da. Ez bakarrik estilo antzekoagaitik, bertan Public Enemyren “Bring The Noise” leloa sanpleatu zutelako baizik.

A capella bertsioak lagin garbiagoak eman ohi dituenez, ziurrenik hemendik hartu zuen berea Negu Gorriak taldeak:

Argi eta garbi entzun dezakezue 1:12 minutuan sanplea:

NWA – Fuck tha police

2021/07/02samples1988, 1990, Fuck tha police, Negu Gorriak (album), NWA, Seinalea, Straight Outta ComptonSnoid

1988an NWA taldeak plazaraturiko hiten artean “Fuck tha police” dugu. Epaiketa batean kokatzen dute kanta; bertan, gazte beltz akusatu batzuk poliziaren inpunitatezko basakeria salatzen dute.

Negu Gorriak seinalearen zai zegoen bitartean, EEBBetako mendebaldeko kostako gangsterren oihuak leku hartzen zuen beraien abestian (38 eta 50. segunduen bueltan eskratxaren ondoren):

NG Samples

It's the Jungle out here!