Aiako Txikito mila dantzen lurraldean dabil, hiri gerrilaren dantza barne. Adi intro errepikatuaren ondoren (3. seg) eta piezaren bigarren zatian (19.etik aurrera) itzultzen den perkusioari.
Guda dantza lotu ala askatua den ez dakigu baina 40. segundoko bateria soloak begiak ireki dizkigu. Hirurak. Eskerrik asko, Steve!
Aiako Txikito osoki maisulan bat den arren, oraingoan sarrerari erreparatuko diogu bereziki, introa berezia baitauka.
Izan ere, Steve Cropper bera dugu intro mitikoaren atzean. Gitarrajole funtsezkoa, Stax zigiluari dagokionez. Blues Brothers, Otis Redding edota Ringo Starr bidaide izan ditu bere karrera luze bezain oparoan. Kasu honetan introa motelago doa; hala ere, identifikagarria da oso.
“Kennedy Hilak” hobeto egonagatik, guk beti Erlak bikotearekin batera abestu izan dugu. Agian bikote euskaldunak ez zuen “Hollydays in Cambodia” estiloko kanta jolaskorrik euren doinuen artean, baina bai honelako perlatxoak:
Eta agian salbatzailerik gabe geratu garen arren, JFK kantaren sarrera bikain bat dugula gogorarazi behar dugu, demontre!