Gregory eta Dennisen diskorik entzun ez duen reggaezale bat ez da benetako reggaezale bat. Izan ere, ia kontaezinak diren diskografiak dauzkate beraien izenen atzean, bakarka nahiz beste artistekin batera. Berlingo Harresia erori bitartean hau ere entzuten zen internetik gabeko Euskal Herrian.
BSO kantak ez zeuzkan soilik LKJren sampleak. Bestelakoez ere elikatu zen; tartean, Dennis eta Gregoryz. Adi introari!
Punk-funk musikak ere harrapatu zituen Kaki eta bere taldekideak 80. hamarkada hasieran…ez zen ba guztia punk-rocka izango, ezta? Erreparatu hasierako ahotsari.
Festa gogoz dantza egin nahi duen Joseph Bowie handiak Negu Gorriaken bigarren albumean parte hartu zuen, gure jarrerarekin bat zetorrelako. Nola bestela?
Azken tangoa…ez dakigu Parisen gaudenentz, baina honako sanple hau frantzesa da hizkuntzari dagokionean behintzat: “écouter et répéter“. Ez dakigu ongi idatzi ote dugun ere lagina…hobe dugu ikastaro trinko bati ekin De La Soulen eskutik…
Neguk, aldiz, horrela erabili zuen audio puska, eliza deskribatu zueneko abestitxoan:
Oraingo lagin hau berezia da oso. Jatorria ez dugu musika talde batean topatuko, JFK bera baitugu hitz egiten. Bere diskurtso inauguraleko pasarte honetan jarri behar dugu arreta (bideoko 3. minutuko 13. segundutik aurrera):
“(…) only a few generations have been granted the role of defending freedom in its hour of maximum danger. I do not shrink from this responsibility — I welcome it.”
Dotore geratu zitzaien Negu Gorriakekoei txertatze hau:
Donostiako belodromoko azken kontzertua hastear; jendea irrikitan zai eta bitartean “NG dator” bafleetatik at. Une gogoangarria! Halabaina, taldearen izena uneoro errepikatzen duen ahotsaz gain, 70. hamarkadan Estatu Batuetan jada ezaguna zen kanta baten sanplea ageri da.
Freska dezagun memoria…Hona talde euskaldunaren artelana:
Eta orijinala, hauxe:
Hala ere, ez dugu ahaztu behar sanpleen mundua askotan sakontasun handikoa dela. Eta baliteke (guk ez dakigu ziur!) Negu Gorriak taldeak berez 1988an beraien BSOan sartu zitzaien kanta hau sanpleatu izana, jatorrizkoa ezagutu ere egin gabe! Xolomorik gabeko Gangsta powerra zuen NWA taldea ezin atzen laga:
Sam Cooke eta Otis Redding artean koka genezakeen Arthur Conley handia ere ez zuen ahaztu Irungo boskoteak. Gorria zenentz ez dakigu, baina homosexuala zela bai; barkamenik gabeko bekatu horren ondorioz, Herbehereetan eman zituen bere azken urteak; bere sorterritik urrun. Luis Mariano beltz honen “People sure act funny” kantaren intro dekadenteari adi!
Jendeak era barregarrian ziurki jokatu ala ez, 17. segundoan topa dezakegun sample hau Reixaren «refrito»a maisuki erdibitzeko gai da.
Oraingoan ere funk mundutik datorkigu sanplea. Funkadelic talde aski ezagunaren gitarrek badirudi “Barakaldo” esaten dutela behin eta berriro. Akaso, inoiz BECen jotzea da beraien asmoa, nork jakin? Honatx, euren kanta:
Barakaldo eta Aia ez daude hain gertu, baina Negu Gorriak taldearentzat baietz dirudi:
PD: bazenekien Kortauren lehen diskako azaleko aizkolaria Aiako Txikito zela? Tira, hori beste baterako utziko dugu…oraingoz, goazen kolpez kolpe aurrera!
Aretha Franklinek ere amodio eta gorrotozko kantak zeuzkan, bizitza horrelakoxea baita. Kasu honetan adibide amoltsu batekin gatoz:
Xabier Lete, Mikel Laboa edota Antón Reixarekin batera geratu zen kokatua hainbat hamarkada beranduago:
Donostiako belodromoko azken kontzertua hastear; jendea irrikitan zai eta bitartean “NG dator” bafleetatik at. Une gogoangarria! Halabaina, taldearen izena uneoro errepikatzen duen ahotsaz gain, 70. hamarkadan Estatu Batuetan jada ezaguna zen kanta baten sanplea ageri da. Freska dezagun memoria…Hona talde euskaldunaren artelana:
Eta orijinala, hauxe:
Hala ere, ez dugu ahaztu behar sanpleen mundua askotan sakontasun handikoa dela. Eta baliteke (guk ez dakigu ziur!) Negu Gorriak taldeak berez 1988an beraien BSOan sartu zitzaien kanta hau sanpleatu izana, jatorrizkoa ezagutu ere egin gabe! Xolomorik gabeko Gangsta powerra zuen NWA taldea ezin atzen laga:
1974. urteko kanta honetako introa entzuteak zure gogamenarengan eragin itzela ukan dezake. Hala ere, bukaeraraino entzuteko moduko pieza da honakoa; izan ere, Al Greenek ez baitzeukan Otis Reddingek ez zeukan deusik.
Entzun orain, arren, 17. segundotik 30.erainoko tartean nahiz 41. segundoaren bueltan entzuten den erritmo goxoa, entzun…