Etiketaren artxiboa: de la soul

De La Soul – Eye Know

samples, , , , ,

Bistan da Negu Gorriakekoek De la Soulen lehen diska gogotik entzun zutela 1989 inguru horretan. Hona hemen beraiengandik jasotako beste ekarpen txiki bat; hain juxtu, kanta hasierako soinua erabili zuten “Nire bizitza osoa”rako, Sam Cookeren ahotsa akabatu aurretik:

Bukaeran entzun dezakezue hemen (36. segunduan):

PD: gure lagun Basanabasak kontatuta, De La Soulekoek ere sanpling kirola praktikatzen zuten; horregatik, beraien kantako Kitarra eta Bateria, kanta askoz zaharragoetatik mailegatu zituztela aipatu beharra dugu.

 

De La Soul – Transmiting live from mars

samples, , , , ,

Azken tangoa…ez dakigu Parisen gaudenentz, baina honako sanple hau frantzesa da hizkuntzari dagokionean behintzat: “écouter et répéter“. Ez dakigu ongi idatzi ote dugun ere lagina…hobe dugu ikastaro trinko bati ekin De La Soulen eskutik…

Neguk, aldiz, horrela erabili zuen audio puska, eliza deskribatu zueneko abestitxoan:

 

De La Soul – Millie Pulled A Pistol On Santa

samples, , , , , ,

De La Soul tarteka sampleatu behar izan du Negu Gorriak taldeak. Ez zaigu kasualitatea iruditzen, talde amerikarrak dauzkan doinu goxoekin maitemintzea oso erraza baita, duela hamarkada batzuk zen bezalaxe…

Jatorrizko kantan, Milliek Santa Klaus begipuntuaren xedean eduki zuenekoa kontatzen digute New Yorkekoek… Hasierako erritmoa ongi gorde gogoan, errimetan murgildu aurretik.

Erritmo hori zertxobait motelduz Begirunearen sarrera eta irteera bilakatu zen, argitaratu zenetik 4 urtera. Orain galdera hauxe da: Marcos azpikomandanteari ze irudituko zitzaion Santari bala bat sartzea?