De La Soul – Eye Know

samples, , , , ,

Bistan da Negu Gorriakekoek De la Soulen lehen diska gogotik entzun zutela 1989 inguru horretan. Hona hemen beraiengandik jasotako beste ekarpen txiki bat; hain juxtu, kanta hasierako soinua erabili zuten “Nire bizitza osoa”rako, Sam Cookeren ahotsa akabatu aurretik:

Bukaeran entzun dezakezue hemen (36. segunduan):

PD: gure lagun Basanabasak kontatuta, De La Soulekoek ere sanpling kirola praktikatzen zuten; horregatik, beraien kantako Kitarra eta Bateria, kanta askoz zaharragoetatik mailegatu zituztela aipatu beharra dugu.

 

Peter Gabriel eta Nusrat Fateh Ali Khan – Taboo (Natural Born Killers OST)

samples, , , , , , ,

Sample zoragarri hau Mikel Abregok txibatu zigun; zoragarria dela diogu, zinearen munduarekin lotura zuzena izateaz gain, kantuaren atzean dauden egileak ez direlako nolanahikoak. 90. hamarkadako pelikularik esanguratsuenen artean dugu Natural Born Killers, hegoaldekoontzat «Asesinos natos» izenarekin iritsi zitzaiguna. Filma latza zen, sarraskiak eta hildakoak uneoro. Pelikulako etenik gabeko arrisku egoera horren laburpen bikaina da Nusrat handiak bere ahotsaz egiten diguna, gorabehera horiekin gugan ezinegon bat sorraraziz. Abeslari pakistandarra mendebaldean (eta mundu osoan zehar) ezagun egin zuena Peter Gabriel bera izan zen. Lankidetza haren ondorenak oraindik ere birrargitaratzen dira XXI. mendeko 20. urtearen buelta honetan. Adi: 3. minutuko 17. segundoari

Zeinen ongi bereizten den ahots zirraragarri hori Hitzaurreko tiro hotsez, indigenen soinuez, Joxepa Arregiren esaldiaz eta enparauez lagundurik, ezta? (20. segundoan eta 40.ean)

Eskerrik asko, Pintza power!

 

Defunkt – For The Love Of Money

samples, , , , , ,

70. hamarkadan The O’Jays talde aski famatuaren hit baten bertsioa egin zuen Defunkt taldeak, humanook diruzaletasunarekiko dugun joera nabarmenduz. Hasieratik belarrietan sartuko zaizun punteo azkarrari erreparatu, bateria begiz galdu gabe. Latza!

Gitarra soinu errepikakor zorrotz hori bikainki txertatu zuten “Beste kolpe bat” mitikoan (lehen aldiz 17. segundoan). Diruzalekeria ere errotik ebaki behar baitugu, ezta?

 

Original Concept – Runnin You Mouth

samples, , , , , , , , ,

Sanple honek, horren ezaguna ez den talde batengana hurbildu gaitu: Original Concept. Beraien “Runnin you mouth” entzutea ere ez da oso ohikoa. Baliteke, ahotsak jatorriz beste nonbaitetik etortzea ere, hots, Original Concept taldeak sanpleatuak izatea aldi berean. Guk “no problem” sanplearen arrastoa hemen topatu dugu oraingoz:

Negu Gorriak honela erabili zuen:

PD: gerora jakin ahal izan dugu jatorrizkoa pelikula bati dagokiola: «Fast times at Ridgemont high». Are gehiago, Sean Penn gazte baten (Spicoli) eta Ray Walston (Mr Hand) aktoreen ahotsak zirela. Eszena nahikoa tentsoa da, bai… xD

Bide batez, Original Concepten albumak eta pelikularen izenburuak duten antzekotasuna aintzat hartzeko modukoa dirudi.

 

Public Enemy – Bring the Noise

samples, , , , ,

1990. urtean NGk lehen diska kaleratu zueneko kanta batekin gatoz oraingoan, Negu Gorriak izeneko diska hain zuzen. Garai honetako kantuak rapetik oso gertu zeuden, izan ere, inoiz ez dute ezkutatu Public Enemy taldearen eragin zuzena izan zuela Negu Gorriak taldeak, eta Seinalea kantua horren adibide da. Ez bakarrik estilo antzekoagaitik, bertan Public Enemyren “Bring The Noise” leloa sanpleatu zutelako baizik.

A capella bertsioak lagin garbiagoak eman ohi dituenez, ziurrenik hemendik hartu zuen berea Negu Gorriak taldeak:

Argi eta garbi entzun dezakezue 1:12 minutuan sanplea:

 

Linton Kwesi Johnson – Peach Dub

samples, , , , , , , , , , ,

Goizaldeko bostetan, herrian, irekitzen duten lehenengo tabernan Linton Kwesi Johnson topa dezakegu Peachi reggae bat eskainiz. Are gehiago, sustraietara jotzen badugu, dub batekin erakutsiko digu jendarteari zor dion amorrua:

Jakina, ezaguna izango zaizu kanta osoa, urte batzuk beranduago Negu Gorriak berak kantaren bertsio abestu osoa bertsionatu baitzuen, beraien bizitzetako BSOko parte zelako alpalditik:

 

Joxepa Arregi

samples, , , , , ,

Negu Gorriak taldearen Hitz Egin kantu ospetsuaren amaieran Joxepa Arregi entzun dezakegu “Nik euskeria defendiduten dot” esaten, eta baita “kastigua kunplidu behar”. Adi egon!

Joxepa Arregi Euskal Preso eta Iheslari Politikoen aldeko borrokalari sutsua izan zen. Etxerat elkarteko lehendakari izan zen eta ziur grabaketa asko eta askotan agertu zela. Ez dakigu, ordea, honako hau nondik hartu zuten zehazki Negu Gorriakekoek, baina sanple batetan ez ezik, bideoa bera euren 91+1 Tour VHS bideoan erabili zuten. Lagunduko al duguzue argitzen jatorrizko bideoa noizkoa eta nongoa den? (Pista: Irudietan BBCren logoa ikusi daiteke…)

Eta ez sanple batetan! Bata bestearen atzetik, Ideia Zabaldu irekitzen duten Hitzaurrea eta Hitz Egin kantuetan txertatu zuten Joxeparen ahotsa. Entzun dugu dagoeneko Hitz Egin, goazen bada orain Hitzaurrearekin.

 

Juan Rulfo – Diles que no me maten

samples, , , ,

1951. urteko abuztuan agertu zen argitaraturik America aldiztariko 66. alean gaur aurkezten dizuegun narrazioa lehendabizikoz. Juan Rulfo idazle mexikarraren testu potentea da “Diles que no me maten”, eta Negu Gorriakek 1995ean erabili zuten, Ipurbegia kantuan:

Sanplea ondoren entzungo duzuen grabaziotik hartu zuten NGkoek, non Rulfok berak irakurri egiten digun bere lan apart ahu:

 

Luis Mariano – Ezin Ahaztu

samples, , , , ,

“Luis Mariano chant le Pays Basque” izeneko albumean agertu zen 1968an “Ezin Ahaztu” kantua, eta 25 urte geroago “Borreroak baditu Milaka Aurpegi” diskoan “Hipokrisiari Stop!”. Baina 1996ra arte ez genuen bi hauek elkarturik entzuteko aukera izan, Galindoren kontrako auzian laguntza lortzeko kaleraturiko Ustelkeria xelebrekerien diskoan NGren kantaren erremixa argitaratu zutenean Luis Mariano sampleaturik entzun zitekeen, scratch moloien artean. Hemen Negu Gorriaken kanta:

Ta hau jatorrizkoa: