Snoid-(r)en bidalketa guztiak

Honi buruz: Snoid

Musikazale arrunt xamarra. Sanple bilatzailea (tximeleten sarerik ez dut). Gidari ez-espirituala. Umoreduna (tarteka txarra). snoidren sarrera guztiak ikusi →

Funkdoobiest – The Funkiest

samples, , , , ,

Ideia Zabaldu diskoak badu hitzaurre oso politta…besteak beste, doinu aborijen antzeko bat, Joxepa Arregirena izan litekeen ahots bat eta hainbatetan errepikatzen den gizon ahots bat topa genezake ere, honako hau diona:

“He had the voice of a courageous explorer, a man dedicated to the pursuit of knowledge and the expansion of his horizons…”

Dokumental batekoa dirudi, ikertzaile (kolonizatzaile?!) bati laudorioka dabilen off ahots bat, ezta? Jatorrizkoa nondik aterata dagoen ikertzen (baina ez kolonizatzen) dugun bitartean, gure belarriek topatu duten bertsio bat partekatzea baino ezin dugu egin. Hemen ere kanta hasieran erabili zuten ahotsa:

Cypress Hilletik oso gertu zegoen talde honek 1993an argitaratu zuen kanta hau eta Ideia Zabaldu 1995ekoa da; beraz, baliteke Los Angeleseko taldeak zuzenki eragin izana.

 

The Meters – Look-Ka Py Py

samples, , , , ,

“NG bada”ren 40 segunduak ikaragarriak dira gu bezalako sanple bilatzaileentzat. Urteetako lana dakarkie gure 4 belarriei, gezurra iruditu arren. Esaterako, nork esan behar zigun guri edozein egunetan lasai asko The Meters funk taldea entzuterakoan ere sorpresatxo sanpleatu bat topa genezakeenik?

Haierako ahots horiek aditzerakoan begiak ireki zitzaizkigun, OSO ezagun egiten baizitzaigun. Ondoren, Negu Gorriak taldeko zein kantetako sanplea zen bilatzeari ekin genion eta, nola ez, “NG bada” zen erantzuna:

 

Prince – New Position

samples, , , , , , ,

Princek ere ezin izan zion iskin egin Negu Gorriaken sanpleatze ariketari. Izan ere, New Position izeneko pieza labur honen sarrerako erritmoarekiko indiferentzia erakustea ia-ia delitu baita. Metronomo bikaina!

Kantuen artean inolako isiltasunik ez zeukan Gure Jarrera diskotzarreko NG Badoa «refrito» honek ere hasieran dauka erritmotxo killer hori. Txekiraut!

 

De La Soul – Eye Know

samples, , , , ,

Bistan da Negu Gorriakekoek De la Soulen lehen diska gogotik entzun zutela 1989 inguru horretan. Hona hemen beraiengandik jasotako beste ekarpen txiki bat; hain juxtu, kanta hasierako soinua erabili zuten “Nire bizitza osoa”rako, Sam Cookeren ahotsa akabatu aurretik:

Bukaeran entzun dezakezue hemen (36. segunduan):

PD: gure lagun Basanabasak kontatuta, De La Soulekoek ere sanpling kirola praktikatzen zuten; horregatik, beraien kantako Kitarra eta Bateria, kanta askoz zaharragoetatik mailegatu zituztela aipatu beharra dugu.

 

Peter Gabriel eta Nusrat Fateh Ali Khan – Taboo (Natural Born Killers OST)

samples, , , , , , ,

Sample zoragarri hau Mikel Abregok txibatu zigun; zoragarria dela diogu, zinearen munduarekin lotura zuzena izateaz gain, kantuaren atzean dauden egileak ez direlako nolanahikoak. 90. hamarkadako pelikularik esanguratsuenen artean dugu Natural Born Killers, hegoaldekoontzat «Asesinos natos» izenarekin iritsi zitzaiguna. Filma latza zen, sarraskiak eta hildakoak uneoro. Pelikulako etenik gabeko arrisku egoera horren laburpen bikaina da Nusrat handiak bere ahotsaz egiten diguna, gorabehera horiekin gugan ezinegon bat sorraraziz. Abeslari pakistandarra mendebaldean (eta mundu osoan zehar) ezagun egin zuena Peter Gabriel bera izan zen. Lankidetza haren ondorenak oraindik ere birrargitaratzen dira XXI. mendeko 20. urtearen buelta honetan. Adi: 3. minutuko 17. segundoari

Zeinen ongi bereizten den ahots zirraragarri hori Hitzaurreko tiro hotsez, indigenen soinuez, Joxepa Arregiren esaldiaz eta enparauez lagundurik, ezta? (20. segundoan eta 40.ean)

Eskerrik asko, Pintza power!

 

Defunkt – For The Love Of Money

samples, , , , , ,

70. hamarkadan The O’Jays talde aski famatuaren hit baten bertsioa egin zuen Defunkt taldeak, humanook diruzaletasunarekiko dugun joera nabarmenduz. Hasieratik belarrietan sartuko zaizun punteo azkarrari erreparatu, bateria begiz galdu gabe. Latza!

Gitarra soinu errepikakor zorrotz hori bikainki txertatu zuten “Beste kolpe bat” mitikoan (lehen aldiz 17. segundoan). Diruzalekeria ere errotik ebaki behar baitugu, ezta?

 

Original Concept – Runnin You Mouth

samples, , , , , , , , ,

Sanple honek, horren ezaguna ez den talde batengana hurbildu gaitu: Original Concept. Beraien “Runnin you mouth” entzutea ere ez da oso ohikoa. Baliteke, ahotsak jatorriz beste nonbaitetik etortzea ere, hots, Original Concept taldeak sanpleatuak izatea aldi berean. Guk “no problem” sanplearen arrastoa hemen topatu dugu oraingoz:

Negu Gorriak honela erabili zuen:

PD: gerora jakin ahal izan dugu jatorrizkoa pelikula bati dagokiola: «Fast times at Ridgemont high». Are gehiago, Sean Penn gazte baten (Spicoli) eta Ray Walston (Mr Hand) aktoreen ahotsak zirela. Eszena nahikoa tentsoa da, bai… xD

Bide batez, Original Concepten albumak eta pelikularen izenburuak duten antzekotasuna aintzat hartzeko modukoa dirudi.

 

Linton Kwesi Johnson – Peach Dub

samples, , , , , , , , , , ,

Goizaldeko bostetan, herrian, irekitzen duten lehenengo tabernan Linton Kwesi Johnson topa dezakegu Peachi reggae bat eskainiz. Are gehiago, sustraietara jotzen badugu, dub batekin erakutsiko digu jendarteari zor dion amorrua:

Jakina, ezaguna izango zaizu kanta osoa, urte batzuk beranduago Negu Gorriak berak kantaren bertsio abestu osoa bertsionatu baitzuen, beraien bizitzetako BSOko parte zelako alpalditik:

 

NWA – Fuck tha police

samples, , , , , ,

1988an NWA taldeak plazaraturiko hiten artean “Fuck tha police” dugu. Epaiketa batean kokatzen dute kanta; bertan, gazte beltz akusatu batzuk poliziaren inpunitatezko basakeria salatzen dute.

Negu Gorriak seinalearen zai zegoen bitartean, EEBBetako mendebaldeko kostako gangsterren oihuak leku hartzen zuen beraien abestian (38 eta 50. segunduen bueltan eskratxaren ondoren):