{"id":613,"date":"2021-12-31T12:31:01","date_gmt":"2021-12-31T11:31:01","guid":{"rendered":"http:\/\/negugorriak.net\/samples\/?p=613"},"modified":"2022-01-08T15:36:50","modified_gmt":"2022-01-08T14:36:50","slug":"negu-gorriak-esperimentazio-espazio-bat-izateko-sortu-genuen","status":"publish","type":"post","link":"http:\/\/negugorriak.net\/samples\/index.php\/2021\/12\/31\/negu-gorriak-esperimentazio-espazio-bat-izateko-sortu-genuen\/","title":{"rendered":"\u00abNegu Gorriak esperimentazio espazio bat izateko sortu genuen\u00bb"},"content":{"rendered":"

Sarrera hau NAIZ Irratia<\/a>k idatzi zuen 2021\/07\/09-an.<\/p><\/blockquote>\n

\n

I\u00f1igo anaia zendu zenetik Fermin Muguruzak ez du elkarrizektarik eman, baina hori aldatzeko nahikoa arrazoi ona iruditu zaio Telmo Trenorren \u222bateliteak saioko gonbidapena. Negu Gorriak-en samplegintza aztertu dute beste bi adituren konpainian: NG Sampleseko Kimo eta Snoid Jauna.<\/em><\/strong><\/p>\n<\/div>\nhttps:\/\/od.lk\/s\/NjJfMjM5NDU5NDFf\/2021-06-25%20-%20Sateliteak%20%2876%20deluxe%20-%20FM%20eta%20NGsamples%29.mp3<\/a><\/audio>\n

\"\"<\/p>\n

Kasualitateak ez dira maiz gertatzen eta, horregatik, polita da horiek nabarmentzea. Ekaineko egutegia esku artean hartu, egun bat hautatu eta gonbitea luzatu zion \u00b4\u222bateliteak Deluxe II\u2019 irratsaioan parte hartzeko Telmo Trenorek Fermin Muguruzari. Negu Gorriak taldeak erabilitako sampleen inguruko \u00abarkeologia musikala\u00bb egitea zen Trenorren intentzioa eta horretarako bildu nahi zituen NG Samples-eko Kimo eta Snoid Jauna eta, noski, Fermin Muguruza. Anaiaren heriotza gertatu zenetik elkarrizketarik ez du eman irundarrak. Dena utzi du bertan behera: kontzertuak, kolaborazioak, hedabideekin harrremanak, denbora bat hartu du berarentzako. Baina nonbait tentatu dio Telmo Trenorrek proposatutako gaiak eta baita konpainiak ere, eta horregatik heldu egin dio gonbiteari: \u00abBa egun ona aukeratu duzu! Justu gaur (ekainaren 25ean grabatu zen saioa) 30 urte betetzen dira Negu Gorriak-en \u2018Gure Jarrera\u2019 diskoa kaleratu genuenetik.\u00bb<\/p>\n

Asteazkenero gidatzen du Telmo Trenor disko ziztatzaileak \u2018\u222bateliteak\u2019 saioa Naiz Irratian. Elektronika saioa da eta badu sekzio bat \u2018Who is it\u2019 izena duena. Bertan, kantuetako sampleak aztertu egiten dira eta jatorrizko abestiak entzuten. Esan daiteke sampleak direla beste kantu edo audioetatik hartzen diren mailegu musikalak eta maiz gertatu moduan teknika honen jatorriaren inguruan bertsio ugari daude. Batzuek diote XX. mende hasieran New Orleanseko jazzlariak izan zirela aitzindariak, maiz hartzen zituztelako beste kantuetako zatitxoak, eta progresioak egin abiadura azkartuz edo motelduz. Beste batzuek Pierre Schaeffer dute teknika honen sortzailetzat. Teoria honek dio Schaeffer musikarekin esperimentatzen hasi zela aurretik egindako grabazioekin: loopeatu, pitcha aldatu, abiadura azktartu eta moteldu\u2026.eta noski hau guztia posible egin zen grabagailuen komertzializazioa eman zenean, orduan, erabat demokratizatu egin zen samplegintza.<\/p>\n

Negu Gorriak taldeko arkeologia musikal ariketa honetan ezin ziren faltatu Kimo eta Snoid Jauna, Arkaitz Sagasti eta Urko Rodriguez, hurrenez hurren. Twitterren ezagutu zuten elkar, norbaitek bota zuen erroka: Negu Gorriakeko zenbat sample ezagutzen dituzue? Eta haria luzea izan zen, oso luzea, hain luzea blog bat sortzeko adina eduki bildu zutela eta horrela sortu zuten Kimo eta Snoid Jaunak \u2018NG Samples\u2019. Dudarik gabe, altxor bat Negu Gorriaken grupientzako. Baina orain ezin da bisitatu, OVH interneteko azpiegitura enpresak izandako sutearen ondorioz \u2018kaput\u2019 egin zuen NG Samplesek. Hala ere, gogoz geratu bazarete, aukera bat baduzue: Info7 irratiko Kale Gorrian saioan astero egiten zuten kolaborazio bat Negu Gorriakeko sample baten berri emanez. Hemen \u2018Gora Herria\u2019 <\/a>kantuaren inguruan egindakoa.<\/p>\n

Kortatu<\/strong><\/p>\n

Kortaturen garaian hasi ziren sampleak erabiltzen lehen aldiz, \u2018Kolpez Kolpe\u2019 kantua horren adibide. Public Enemy rap taldea izan zen erreferentzia. \u00abGaraian The Clashek kolpatu ninduen bezala, kolpatu ninduen Public Enemy taldeak\u00bb, esan du Fermin Muguruzak. Long Islandekoek 1988an kaleratu zuten \u2018It Takes a Nation of Millions to Hold Us Back\u2019 hip-hop diskoa, hor entzun zituen sampleak lehendabiziko aldiz Muguruzak, eta kontatu du nola hasi ziren lehen samplea propioak egiten. \u00abKaki Arkarazo Tolosako zezen plazara joan zen haizkora apostu bat zegoelako, grabagailu batekin hurbildu zen eta haizkolariaren arnasa eta guzti grabatu zituen. Sample hori kantu gehiagotan ere erabili dugu!\u00bb, gaineratu du.<\/p>\n

Samplegintzak asko zor dio grabagailuari, horren adibide ere bada \u2018Bertso-Hop\u2019.\u00abNik bi orduko saio bat nuen egunero Egin Irratian, gaueko 22.00etatik 00.00etara. Ah! Eta jakin guk asmatu genuela Maketa Lehiaketa eta ez Gazteak!\u00bb, gogoratu du irundarrak. Garai haietara itzuliz, aipatu du: \u00abAskotan genituen bonba mehatxuak baina gure erabakia zen estudioan geratzea saioarekin jarraitzeko\u00bb.<\/p>\n

Muguruzak gidatutako \u2018Igo Bolumena\u2019 saioaren aurretik, \u2018Bota Puntua\u00b4saioa zegoen, usurbildar batzuek egiten zuten bertso-saioa. \u00abGaueko bederatzietarako egoten nintzen Egin Irratian nire saioa prestatzeko. Usurbilgo taldea kriston taldea zen eta harreman oso ona genuen. Kaki Arkarazok bezala, beraiek ere grabadora hartu eta bertso saioak grabatzen zituzten gero asteleheneko saioan komentatzeko. Eta nik bertsoak aditzen nituen bozgorailuetatik, ez nuen asko ulertzen baina oso interesgarria iruditzen zitzaidan. Behin grabazioak eskatu nizkien, eta horrela sortu genuen Bertso-Hop. Bi plater nituen, batean jartzen nuen ahotsa eta bestean zati instrumentala, esperimentazio hutsa izan zen\u00bb.<\/p>\n